حقوق الحوت _1_
كتبهازاهر محمد صلاح الدين ، في 26 ديسمبر 2008 الساعة: 11:12 ص
واش لحوتنا
ولا لخوتنا؟
هاذي هي الدنيا
والروطال
ساير يروطل فيها
الكارمان
شكون.. يـﮕد عليه !؟
السردين
خرج من عين الشبكة
حقوق الحوت
نطقت
زﮔـاو عليه..
أش بغيتو بيه
الصول ..
يصول .. ويقول
بحرية وأمان
بغينا نتقلاو
ف زيت ارﮔـان
نتـﮕرملو.. فيه
نسول..
لكروفيت
شكون مّاليه؟
إيه وهذاك الشابل
شكون ساير يا كل فيه !؟
لبحر جاهل
لمَّاج هايجة
الما مخلوض
شكون.. ذوك يصيدو فيه؟
حقوق الحوت
نطقت
الما صافي.. شكون يخلوض فيه
كابيلا
طالع لها الضغط
خداما .. تحل وتربط
زهرها..
مع الصيادا
مصيدا .. فيه.
واك واك الحوت
مزينو قوت
تمناه.. تاجر الصوت
من القبة .. يصيد فيه
_يتع_ .. ديوان العباسية….
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
